-Little Flora-Little Me-

Sunday, April 03, 2005

訓晏覺時發左個好怪o既夢... 首先有一大班人一齊去左一個類似computer lab o既地方, 見到好多舊同學... 仲見到bonbon同crystal兩個肥到變左兩個波咁=..=" (夢到d咩我控制唔到架) 然後整親kitty, 仲拎左佢d野, 所以我驚驚地咁就出左間房, 去左一個mall, 之後同媽咪同阿妹行左去一個婆婆o既屋企 (現實中我唔識呢個人)... 一路行, 見到好多貓, 佢地九成都係同大寶一樣樣, 咁個婆婆就話呢種貓好常見, 係好普通o既品種 -0-... 佢間屋o係一個好似鄉下咁o既地方, 就o係正一個瀑布旁邊, o係瀑布o既另一面有一個town, 而o個個town其實係一個虛擬o既世界, 即係唔係真架啦, 佢問我敢唔敢入去, 但係點知我連發夢都係咁細膽... =..= 咁佢地整野食, 之後唔知點解佢地出晒去, 得返我一個人o係間屋度, 咁一陣之後有一個女仔黎左, 佢問我細佬最近點, 咁我就同佢講佢唔係度啦... 點知... 過左一間, 我見到細佬返黎... 佢著住一件黑色外套, 帶住佢個大提琴, 話佢o岩o岩rehearsal完返黎... 佢話以後都唔洗rehearsal啦... 我捉住佢隻手, 因為我想知佢係咪真係實體(咁發夢時我覺得佢係真o既)... 我問佢, 咁你之後會唔會返屋企呀? 你都rehearsal完囉, 反正你都係去下唔同地方咁, 不如返屋企o丫? 佢冇應我, 只係微笑, 之後我就醒左啦...
唔通真係日有所思, 夜有所夢?

44
10:28 PM